اینڈریو گارفیلڈ کا چیٹ جی پی ٹی کا استعمال بند کرنے کا اعلان

مشہور ہالی ووڈ اداکار اینڈریو گارفیلڈ نے انکشاف کیا ہے کہ انہوں نے اوپن اے آئی کے سربراہ سیم ألٹمین کا کردار ایک آنے والے پروجیکٹ 'آرٹیفیشل' میں ادا کرنے کے بعد چیٹ جی پی ٹی کا استعمال مکمل طور پر بند کر دیا ہے۔ پہلے وہ اس مصنوعی ذہانت کے چیٹ بوٹ کو ایک عام سرچ انجن کے طور پر استعمال کرتے تھے، لیکن کردار کی تیاری اور تحقیق کے دوران پیدا ہونے والے حالات نے انہیں اس ٹیکنالوجی سے دور کر دیا۔اداکار کا کہنا ہے کہ اس کردار کو نبھانے کے عمل کے دوران وہ مصنوعی ذہانت کی دنیا سے کافی حد تک خوفزدہ ہو گئے۔ انہوں نے اعتراف کیا کہ جدید ٹیکنالوجی کے اس بے قابو استعمال اور اس کے ممکنہ منفی اثرات کو قریب سے دیکھنے کے بعد اب ان کا اعتماد اس ٹیکنالوجی پر سے اٹھ چکا ہے۔ ان کے مطابق، یہ رجحانات انسانی معاشرے اور انفرادی زندگیوں کے لیے پریشان کن ہو سکتے ہیں۔صنعت کے مبصرین کا ماننا ہے کہ ہالی ووڈ کے اداکاروں کا اس طرح کے خیالات کا اظہار کرنا اس بات کی عکاسی کرتا ہے کہ آرٹیفیشل انٹیلی جنس کے بارے میں عام لوگوں اور فنکاروں میں کس قدر گہرے تحفظات پائے جاتے ہیں۔ اینڈریو گارفیلڈ کا یہ قدم اس بات کی علامت ہے کہ ٹیکنالوجی کی ترقی جتنی تیز ہو رہی ہے، اتنے ہی زیادہ اخلاقی اور نفسیاتی سوالات بھی جنم لے رہے ہیں۔