فلائی دبئی کا کو پائلٹ اسرائیل پر حملے کی سازش میں گرفتار

متحدہ عرب امارات کے حکام نے ایک سنسنی خیز انکشاف کرتے ہوئے بتایا ہے کہ فضائی کمپنی فلائی دبئی کے ایک کو پائلٹ نے اسرائیل پر خودکش حملے کی منصوبہ بندی کی تھی۔ یہ واقعہ بین الاقوامی سطح پر شدید تشویش کا باعث بن گیا ہے اور سیکیورٹی اداروں نے اس پر گہری نظر رکھی ہوئی ہے۔ حکام کے مطابق ملزم نے تفتیش کے دوران اپنے اس مذموم ارادے کا اعتراف کر لیا ہے اور کہا ہے کہ اس سازش میں کوئی اور دوسرا شخص شامل نہیں تھا۔ متحدہ عرب امارات کے اٹارنی جنرل کی جانب سے جاری کردہ بیان میں مزید بتایا گیا ہے کہ کو پائلٹ نے اس حملے کو انجام دینے کے لیے طویل عرصے تک نفسیاتی اور جسمانی تیاریاں کی تھیں۔ وہ اس بات پر مکمل طور پر آمادہ ہو چکا تھا کہ تن تنہا اس کارروائی کو عملی جامعہ پہنائے گا۔ تاہم، بروقت کارروائی اور انٹیلی جنس معلومات کی بنیاد پر اس خطرناک منصوبے کو ناکام بنا دیا گیا، جس سے ایک بڑا المیہ ٹل گیا۔ اس واقعے کے سامنے آنے کے بعد ہوا بازی کی صنعت اور علاقائی سلامتی کے حوالے سے نئے سوالات اٹھ کھڑے ہوئے ہیں۔ فلائی دبئی اور دیگر متعلقہ اداروں نے اس معاملے پر مکمل تعاون کا یقین دلایا ہے جبکہ تحقیقات کا دائرہ کار مزید وسیع کر دیا گیا ہے تاکہ یہ معلوم کیا جا سکے کہ آیا اس قسم کے خیالات کے پیچھے کوئی فکری یا نظریاتی محرکات تو کارفرما نہیں تھے۔