کمبرلی گلفویل یونان میں امریکی سفیر کے عہدے سے فارغ

واشنگٹن: امریکی صدر ڈونلڈ ٹرمپ نے کرپشن کے سنگین الزامات کے تناظر میں یونان کے لیے مقرر کردہ امریکی سفیر کمبرلی گلفویل کو ان کے عہدے سے ہٹا دیا ہے۔ یہ فیصلہ ایسے وقت میں سامنے آیا ہے جب سفارتیحلقوں میں ان کے طرز عمل پر سوالات اٹھائے جا رہے تھے اور انتظامیہ پر دباؤ بڑھ رہا تھا کہ وہ فوری طور پر کارروائی کرے۔ حکارتی ذرائع کے مطابق یہ اقدام دونوں ممالک کے تعلقات کو کسی بھی قسم کے تنازع سے بچانے کے لیے اٹھایا گیا ہے۔ دوسری جانب کمبرلی گلفویل نے اپنے اوپر لگائے جانے والے تمام الزامات کی سختی سے تردید کی ہے۔ ان کا کہنا ہے کہ ان کے خلاف لگائی جانے والی نامناسب رویے اور کرپشن کی خبریں سراسر جھوٹی اور بے بنیاد ہیں۔ گلفویل نے مزید کہا کہ یونان میں امریکہ کی نمائندگی کرنا ان کی زندگی کا ایک بہت بڑا اعزاز تھا اور انہوں نے ہمیشہ اپنی ذمہ داریاں انتہائی ایمانداری اور حب الوطنی کے ساتھ انجام دی ہیں۔ اس تبدیلی کے بعد امریکی محکمہ خارجہ کی طرف سے آئندہ کے لائحہ عمل پر غور کیا جا رہا ہے تاکہ یونان کے ساتھ سفارتی امور بلا تعطل جاری رہ سکیں۔ دریں اثنا، سیاسی تجزیہ کاروں کا کہنا ہے کہ ٹرمپ انتظامیہ کی جانب سے اس قسم کے سخت اقدامات سے یہ واضح ہوتا ہے کہ حکومت عہدے داروں کے احتساب کے معاملے میں کس قدر حساس ہے۔ آنے والے دنوں میں اس معاملے پر مزید تحقیقات اور اہم بیانات سامنے آنے کی توقع کی جا رہی ہے۔