ٹرمپ نے یونان کے امریکی سفیر کو اخلاقی اسکینڈل پر ہٹا دیا

امریکہ کے سابق صدر ڈونلڈ ٹرمپ نے یونان میں تعینات امریکی سفیر کمبرلی گلفائل کو سنگین نوعیت کے اخلاقی اسکینڈلز اور بدانتظامی کی رپورٹس سامنے آنے کے بعد عہدے سے مستعفی ہونے کا کہہ دیا ہے۔ بین الاقوامی میڈیا رپورٹس کے مطابق کمبرلی گلفائل پر یہ الزامات عائد کیے گئے تھے کہ انہوں نے اپنے ایک ڈونر سے مبینہ طور پر ذاتی اکاؤنٹ میں رقم منتقل کرنے کا کہا تھا جس کے بعد سیاسی حلقوں میں ہلچل مچ گئی۔ یہ معاملہ اس وقت مزید گر گیا جب وال اسٹریٹ جنرل اور دیگر معتبر اداروں نے اس مالیاتی بے ضابطگی کو پبلک کیا۔ میڈیا رپورٹس کے مطابق اس اسکینڈل کے سامنے آنے کے بعد امریکی انتظامیہ پر شدید دباؤ تھا کہ وہ فوری طور پر اس معاملے کا نوٹس لے۔ ذرائع کا کہنا ہے کہ کمبرلی گلفائل نے ایک بڑے ڈونر کو مبینہ طور پر یہ پیغامات بھیجے تھے کہ وہ ان کے امریکن ایکسپریس اکاؤنٹ میں ایک لاکھ ڈالر کی رقم منتقل کرے۔ اس انکشاف کے بعد سیاسی مبصرین کی جانب سے بھی شدید ردعمل سامنے آیا اور سفارتی حلقوں میں اس اقدام کو عہدے کے غلط استعمال سے تعبیر کیا گیا۔ ابتدا میں اس حوالے سے امریکی قیادت کی جانب سے خاموشی اختیار کی گئی تھی تاہم بڑھتے ہوئے دباؤ اور رپورٹس کے بعد ڈونلڈ ٹرمپ نے خود اس معاملے کا نوٹس لیتے ہوئے یونانی سفیر کو عہدے سے ہٹانے کا حتمی فیصلہ کیا۔ وائٹ ہاؤس اور متعلقہ حکام کی جانب سے اس پیش رفت پر مزید تفصیلات جلد جاری کیے جانے کا امکان ہے جبکہ اس پورے واقعے کو بین الاقوامی سفارت کاری میں ایک بڑا اخلاقی بحران قرار دیا جا رہا ہے۔