کیرلا میں شدید بارشیں اور سیلاب، دو افراد ہلاک، تودے گرنے سے تباہی

بھارت کی جنوبی ریاست کیرلا میں طوفانی مون سون بارشوں نے تباہی مچا دی ہے، جہاں مسلسل بارش کے بعد آنے والے سیلاب اور مٹی کے تودے گرنے کے مختلف حاداثات میں کم از کم دو افراد کے جاں بحق اور آٹھ افراد کے زخمی ہونے کی تصدیق کی گئی ہے۔ ریاست کے متعدد اضلاع میں نظام زندگی مفلوج ہو کر رہ گیا ہے اور سڑکیں زیر آب آ گئی ہیں۔ محکمہ موسمیات اور مقامی انتظامیہ کے مطابق، شدید بارشوں کا یہ سلسلہ گزشتہ چند روز سے جاری ہے جس کی وجہ سے پہاڑی علاقوں میں زمین کھسکنے اور تودے گرنے کے خطرات میں اضافہ ہو گیا ہے۔ ریسکیو ٹیموں کو فوری طور پر متاثرہ علاقوں میں روانہ کر دیا گیا ہے جو ملبے تلے دبے افراد کو نکالنے اور زخمیوں کو طبی امداد فراہم کرنے کے لیے سرگرم عمل ہیں۔ حکام نے نشیں علاقوں میں رہنے والے شہریوں کو محفوظ مقامات پر منتقل ہونے کی ہدایات جاری کی ہیں جبکہ ندی نالوں میں طغیانی کے پیش نظر الرٹ جاری کر دیا گیا ہے۔ وزیراعظم اور مقامی قیادت نے قیمتی جانوں کے ضیان پر گہرے دکھ کا اظہار کیا ہے اور متاثرہ خاندانوں کو ہر ممکن تعاون کی یقین دہانی کرائی ہے۔