فیفا کا قوانین میں تبدیلی کا فیصلہ، ریڈ کارڈ تنازع پر نیا لائحہ عمل

عالمی فٹبال کے نگادارے فیفا نے ورلڈ کپ کے دوران پیش آنے والے ایک متنازع واقعے کے بعد قوانین میں اہم تبدیلیاں کرنے کا فیصلہ کیا ہے۔ میڈیا رپورٹس کے مطابق فیفا کونسل جلد ہی ایک نئے ضابطے کی منظوری دینے والی ہے جس کے تحت نظم و ضبط سے متعلق کمیٹیوں کے اختیارات کو محدود کیا جائے گا اور وہ میچ معطلی کے فیصلوں کو کالعدم یا تبدیل نہیں کر سکیں گی۔ یہ اقدام حالیہ عالمی مقابلوں میں ہونے والے فیصلوں پر اٹھنے والے سوالات کے بعد اٹھایا جا رہا ہے۔ ذرائع کے مطابق یہ سارا تنازع فولیور بالوگن کے ریڈ کارڈ کے واقعے کے بعد شدت اختیار کر گیا تھا، جہاں میچ کے دوران فیصلے پر شائقین اور ماہرین کی طرف سے شدید ردعمل سامنے آیا تھا۔ فیفا انتظامیہ کا ماننا ہے کہ کھیل کے اندر شفافیت اور فیصلوں کے تسلسل کو برقرار رکھنے کے لیے یہ ضروری ہے کہ نظم و ضبط کے معاملات میں کسی قسم کی الجھن نہ رہے اور جو فیصلے میدان میں یا متعلقہ کمیٹی کی طرف سے کیے جائیں، وہ حتمی ہوں۔ اس مجوزہ تبدیلی کے بعد دنیا بھر کی فٹبال فیڈریشنز اور ٹیموں کو بھی اپنے لائحہ عمل میں اس کیمطابق تبدیلی کرنا ہوگی۔ فیفا کونسل کا یہ قدم فٹبال کے قواعد و ضوابط کو مزید سخت اور واضح بنانے کی کوشش کا حصہ ہے تاکہ مستقبل میں کسی بھی متنازع صورتحال سے نمٹنے کے لیے واضح ضابطہ موجود ہو۔ کھیل کے ماہرین کا خیال ہے کہ اس فیصلے سے ریڈ کارڈز اور معطلی کے فیصلوں پر بحث تو کم ہوگی لیکن بعض مواقع پر سخت سزاؤں کے خلاف اپیل کرنے کا حق بھی متاثر ہو سکتا ہے۔