سونے سے پہلے میٹھی چیزیں کھانے کی عادت کیوں پڑتی ہے؟ صحت بخش مشورے

کیا آپ کو بھی رات کو سونے سے بالکل پہلے میٹھی چیزیں یا سنیکس کھانے کی شدید خواہش محسوس ہوتی ہے؟ اگر ایسا ہے تو آپ اکیلے نہیں ہیں۔ طبی ماہرین کا کہنا ہے کہ اس عادت کے پیچھے محض کمزوری یا دل کا بہلاوا نہیں بلکہ کچھ ٹھوس حیاتیاتی وجوہات ہوتی ہیں جو انسان کو رات کے وقت میٹھے یا نمکین سنیکس کی طرف راغب کرتی ہیں۔ دن بھر کی تھکن، جسم میں توانائی کی کمی اور بعض ہارمونز کا اخراج اس کیفیت کا بنیادی سبب بنتا ہے۔ جسم کو فوری توانائی درکار ہوتی ہے اور وہ فوری طور پر کاربوہائیڈریٹس یا شوگر کی تلاش کرتا ہے۔ ماہرین کا ماننا ہے کہ اس رجحان کو سمجھ کر مناسب خوراک کے ذریعے اس پر قابو پایا جا سکتا ہے۔ دن بھر متوازن غذا کا استعمال اور پروٹین سے بھرپور اشیاء کھانے سے رات کے وقت اچانک بھوک لگنے اور میٹھا کھانے کی خواہش میں نمایاں کمی کی جا سکتی ہے۔ اس کے علاوہ سونے سے چند گھنٹے قبل ہلکی پھلکی غذا کا انتخاب اور پانی کا مناسب استعمال بھی اس عادت کو بدلنے میں مددگار ثابت ہوتا ہے۔ اگرچہ یہ ایک پرانی عادت بن چکی ہو لیکن انسان تھوڑی سی توجہ اور مستقل مزاجی سے اپنے کھانے کے اوقات اور اشیاء میں تبدیلی لاکر اس پر باآسانی قابو پا سکتا ہے۔ ماہرینِ صحت کی ہدایت کے مطابق رات کے وقت زیادہ شوگر والی اشیاء سے پرہیز کرنا چاہیے تاکہ نیند بھی بہتر ہو اور مجموعی صحت پر بھی کوئی منفی اثر نہ پڑے۔