عراق: خور مور گیس فیلڈ پر ڈرون حملہ اور بجلی کا بحران

عراق کے خود مختار خطے کردستان میں واقع اہم خور مور گیس فیلڈ پر ایک مشتبہ ڈرون حملہ کیا گیا ہے جس کے نتیجے میں گیس کی پیداوار فوری طور پر معطل کر دی گئی ہے۔ اس تخریب کاری کے واقعے کے بعد پورے علاقے میں بڑے پیمانے پر بجلی کا بحران پیدا ہو گیا ہے اور متعدد پاور پلانٹس کو ایندھن کی فراہمی رکنے کی وجہ سے بند کرنا پڑا ہے۔ مقامی حکام کے مطابق حملے کے فوراً بعد سکیورٹی فورسز نے علاقے کو گھیرے میں لے لیا اور تحقیقات کا آغاز کر دیا گیا ہے۔ ذرائع کے مطابق خور مور گیس فیلڈ شمالی عراق میں بجلی پیدا کرنے والے کارخانوں کو گیس فراہم کرنے کا ایک بنیادی ذریعہ ہے۔ پیداوار رک جانے کی وجہ سے کردستان کے بڑے شہروں میں بجلی کی فراہمی معطل ہو چکی ہے جس سے نظامِ زندگی شدید متاثر ہوا ہے۔ اسپتالوں اور دیگر ضروری خدمات کو بحال رکھنے کے لیے ہنگامی بنیادوں پر متبادل ذرائع استعمال کیے جا رہے ہیں تاکہ کسی بھی بڑے انسانی بحران سے بچا جا سکے۔ ابھی تک کسی بھی عسکریت پسند گروپ یا تنظیم نے اس ڈرون حملے کی ذمہ داری قبول نہیں کی ہے تاہم سکیورٹی اداروں کا کہنا ہے کہ اس نوعیت کے حملے خطے کی معیشت اور توانائی کے بنیادی ڈھانچے کو نقصان پہنچانے کی سوچی سمجی سازش کا حصہ ہیں۔ حکومت کی جانب سے تنصیبات کی سکیورٹی کو مزید سخت کرنے کے احکامات جاری کر دیے گئے ہیں تاکہ مستقبل میں اس طرح کے واقعات کی روک تھام کی جا سکے۔