وزیر اعظم شہباز شریف کی ترکیہ آمد، COP-31 سمٹ میں شرکت

وزیر اعظم پاکستان شہباز شریف موسمیاتی تبدیلیوں کے حوالے سے منعقدہ اہم ترین عالمی کانفرنس COP-31 کی لیڈرز سمٹ میں شرکت کے لیے ترکیہ روانہ ہو گئے ہیں۔ ترجمان کے مطابق وزیر اعظم اس اعلیٰ سطح کے اجلاس میں پاکستان کی بھرپور نمائندگی کریں گے اور کل کانفرنس سے خطاب بھی کریں گے۔ اس دورے کا مقصد دنیا کی توجہ پاکستان جیسے ممالک کو درپیش موسمیاتی چیلنجز اور ماحولیاتی بحران کی طرف مبذول کرانا ہے۔ ترکیہ میں جاری اس عالمی سمٹ میں دنیا بھر کے سربراہان مملکت اور حکومتیں شریک ہیں تاکہ کرہ ارض کو درپیش ماحولیاتی خطرات سے نمٹنے کے لیے مشترکہ حکمت عملی وضع کی جا سکے۔ توقع کی جا رہی ہے کہ وزیر اعظم اپنے خطاب میں پاکستان میں سیلاب اور شدید موسمیاتی اثرات کے بعد کی صورتحال کو اجاگر کریں گے اور بین برادری سے ماحولیاتی انصاف کا مطالبہ کریں گے۔ روانگی سے قبل ماہرین اور میڈیا رپورٹس میں اس بات پر زور دیا گیا ہے کہ پاکستان کو اس پلیٹ فارم سے موسمیاتی فنانسنگ کے حصول کے لیے مؤثر آواز اٹھانی چاہیے۔ پاکستانی حکام کا موقف رہا ہے کہ ترقی یافتہ ممالک کی جانب سے ملنے والی مالی امداد کو قرض کے بوجھ میں تبدیل نہیں ہونا چاہیے بلکہ اسے گرانٹس کی شکل میں فراہم کیا جانا تاکہ ترقی پزیر ممالک موسمیاتی آفات سے مؤثر طریقے سے نبردآزما ہو سکیں۔ دورے کے دوران وزیر اعظم شہباز شریف مختلف ممالک کے رہنماؤں سے دو طرفہ ملاقاتیں بھی کریں گے جن میں با باہمی دلچسپی کے امور، خطے کی صورتحال اور ماحولیاتی تعاون کے فروغ پر تبادلہ خیال ہوگا۔ توقع ہے کہ اس سمٹ کے اختتام پر پاکستان کے لیے موسمیاتی فنانسنگ اور گرین انرجی کے حوالے سے اہم اعانات اور تعاون کی راہیں کھلیں گی۔