اوپو اسمارٹ فون 12000 ایم اے ایچ بیٹری کے ساتھ متعارف

اسمارٹ فونز کی صنعت میں بیٹری کی صلاحیت کو بڑھانے کا رجحان تیزی سے زور پکڑ رہا ہے، اور اب معروف ٹیکنالوجی برانڈ اوپو نے ایک ایسا مڈ رینج اسمارٹ فون تیار کیا ہے جو صارفین کو طویل ترین بیٹری بیک اپ فراہم کرے گا۔ تازہ ترین رپورٹس کے مطابق اس نئے فون میں 12,000 ملی ایمپیئر آور (mAh) کی انتہائی طاقتور بیٹری دی گئی ہے، جس کی تصاویر اور پہلی جھلک آن لائن سامنے آ چکی ہیں۔ یہ فون ماڈل نمبر PNC110 کے تحت چینی سرٹیفیکیشن اتھارٹی ٹینا (TENAA) کی ویب سائٹ پر بھی دیکھا گیا ہے، جس سے اس کے ڈیزائن اور ظاہری خدوخال کی تصدیق ہوتی ہے۔ ٹیکنالوجی کے حلقوں میں اس بات کا چرچا ہے کہ اتنی بڑی بیٹری عام طور پر بڑی سکرین والے ٹیبلٹس یا سپیشلائزڈ ڈیوائسز میں دیکھی جاتی ہے، لیکن اب سمارٹ فونز میں بھی اس کا استعمال شروع ہو رہا ہے۔ ویوو اور دیگر کمپنیاں بھی اس سمت میں کام کر رہی ہیں، جبکہ اوپو کا یہ نیا مڈ رینج فون مارکیٹ میں ایک نیا انقلاب برپا کرنے کے لیے تیار ہے۔ تجزیہ کاروں کا کہنا ہے کہ یہ اسمارٹ فون ان صارفین کے لیے بہترین ثابت ہوگا جو بار بار فون چارج کرنے کی زحمت سے بچنا چاہتے ہیں اور طویل سفر یا مصروف ترین روٹین میں بلا تعطل فون استعمال کرنا چاہتے ہیں۔ اس نئے فون کی قیمت اور باضابطہ لانچ کی تاریخ کے حوالے سے تادم تحریر کمپنی کی طرف سے کوئی حتمی اعلان نہیں کیا گیا ہے، تاہم ٹینا (TENAA) پر اس کی موجودگی اس بات کا اشارہ ہے کہ اس کی رونمائی زیادہ دور نہیں ہے۔ شائقین اور ٹیکنالوجی کے ماہرین بڑی بے صبری سے اس ڈیوائس کے بازار میں آنے کا انتظار کر رہے ہیں تاکہ اس کی کارکردگی اور بیٹری لائف کا عملی جائزہ لیا جا سکے۔