آنر پلے الیون پرو نیا سمارٹ فون او ایل ای ڈی سکرین کے ساتھ متعارف

معروف سمارٹ فون ساز ادارے آنر نے عالمی مارکیٹ میں اپنے نئے موبائل فون کو خاموشی کے ساتھ متعارف کرا دیا ہے جو جدید خصوصیات کا حامل ہے۔ اس نئے ڈیوائس کا نام آنر پلے الیون پرو ہے جسے کمپنی نے ایک پرکشش اور انتہائی پتلے ڈیزائن کے ساتھ پیش کیا ہے تاکہ صارفین کو بہتر ہولڈنگ کا تجربہ مل سکے۔ اس نئے فون کی سب سے نمایاں بات اس کا شاندار 1.5K او ایل ای ڈی ڈسپلے ہے، جو صارفین کو انتہائی واضح اور رنگین ویژوئلز فراہم کرتا ہے۔ کم قیمت ہونے کے باوجود کمپنی نے سکرین کے معیار پر کوئی سمجھوتہ نہیں کیا، جس سے ملٹی میڈیا دیکھنے اور گیمنگ کا مزہ دوبالا ہو جاتا ہے۔ بیٹری کے حوالے سے بھی یہ فون اپنے تمام مد مقابلوں پر سبقت لے گیا ہے۔ اس میں ایک بڑی 7,000 ملی ایمپیئر آور کی طاقتور بیٹری دی گئی ہے جو ایک بار چارج کرنے پر طویل عرصے تک چلتی ہے اور صارفین کو بار بار چارجنگ کی پریشانی سے نجات دلاتی ہے۔ مجموعی طور پر آنر کا یہ نیا بجٹ اسمارٹ فون ان تمام صارفین کے لیے ایک بہترین انتخاب ثابت ہو سکتا ہے جو کم قیمت میں جدید فیچرز، لمبی بیٹری لائف اور ایک خوبصورت ڈسپلے کے متمنی ہیں۔ کمپنی کو توقع ہے کہ یہ ماڈل بجٹ سمارٹ فون کے زمرے میں مارکیٹ کے اندر ایک مضبوط مقام بنائے گا۔