ڈنگن رونپا کے خالق کا مستقبل کے پراجیکٹس اور گیم کی کامیابی پر اہم بیان

مشہور ویڈیو گیم سیریز ڈنگن رونپا کے تخلیق کار کازوتاکا کاڈاکا اور پروڈیوسر شوہی ساکاکیبارا نے اپنے حالیہ انٹرویو میں مستقبل کے منصوبوں کے حوالے سے کھل کر بات کی ہے۔ کاڈاکا کا کہنا ہے کہ اگر ان کا آنے والا پراجیکٹ مارکیٹ میں غیر معمولی طور پر کامیاب ثابت ہوتا ہے تو وہ سیریز کے پہلے حصے اور وی تھری پر دوبارہ کام کرنے کا ارادہ رکھتے ہیں۔ مداح طویل عرصے سے ان کرداروں اور کہانیوں کے نئے ایڈیشنز کا انتظار کر رہے ہیں اور اس بیان کے بعد گیمنگ کمیونٹی میں ایک بار پھر جوش و خروش دیکھا جا رہا ہے۔ ڈویلپرز کا ماننا ہے کہ مداحوں کی محبت اور گیم کی زبردست فروخت ہی ایسے بڑے فیصلوں کی محرک بنتی ہے۔ دوسری جانب ڈویلپرز نے اپنے ایک انٹرویو میں دلچسپ اور مزاحیہ انکشاف کیا کہ ان کے نئے پروجیکٹ میں تاخیر کی ایک اہم وجہ یہ بھی تھی کہ وہ خود راک سٹار کی آنے والی شاہکار گیم جی ٹی اے سکس کھیلنے کے لیے وقت نکالنا چاہتے تھے۔ کاڈاکا کا کہنا تھا کہ جی ٹی اے سکس جیسی بڑی گیم مارکیٹ میں آنے کے بعد ان کے پاس اپنی گیم بنانے کے لیے توجہ مرکوز کرنے کا وقت نہیں بچتا، اس لیے انہوں نے شیڈول میں کچھ ردوبدل کیا۔ یہ بیانات سوشل میڈیا پر بھی کافی وائرل ہوئے ہیں جہاں گیمرز اس بات پر دلچسپی کا اظہار کر رہے ہیں کہ تخلیق کار خود بھی عام گیمرز کی طرح بڑی گیمز کے اجرا کے منتظر رہتے ہیں۔ ڈنگن رونپا کے پرستار اب اس بات کی امید لگائے بیٹھے ہیں کہ نیا ریمیک یا پراجیکٹ مارکیٹ میں ریکارڈ توڑ کامیابی حاصل کرے تاکہ انہیں سیریز کے اپنے پسندیدہ حصوں کے نئے اور جدید ورژنز دیکھنے کو مل سکیں۔