لاہور پولیس اسٹیشن زیادتی کیس: پورا عملہ معطل

لاہور کے ایک پولیس اسٹیشن میں ایک ذہنی معذور خاتون کے ساتھ مبینہ جنسی زیادتی کا ہولناک واقعہ سامنے آیا ہے جس نے پورے ملک میں غم و غصے کی لہر دوڑا دی ہے۔ اس سنگین واقعے کے سامنے آنے کے بعد پولیس کے اعلیٰ حکام نے سخت ترین نوٹس لیتے ہوئے فوری طور پر متعلقہ تھانے کے تمام 78 اہلکاروں اور افسران کو معطل کرنے کا حکم دے دیا ہے۔ ابتدائی اطلاعات کے مطابق اس گھناؤنے فعل میں ایک اے ایس آئی بھی ملوث ہے جس کے خلاف نامزد مقدمہ درج کر لیا گیا ہے۔ واقعے کی سنگین نوعیت کو دیکھتے ہوئے پولیس کی اعلیٰ قیادت نے شفاف تحقیقات کا عزم ظاہر کیا ہے اور ملزمان کی گرفتاری کے لیے چھاپے مارے جا رہے ہیں۔ متاثرہ خاتون اور اس کے لواحقین کو انصاف فراہم کرنے کے لیے خصوصی تحقیقاتی ٹیمیں تشکیل دی گئی ہیں جو اس کیس کے ہر پہلو کا باریک بینی سے جائزہ لے رہی ہیں۔ اس واقعے کے بعد عوامی حلقوں اور سول سوسائٹی کی جانب سے شدید ردعمل سامنے آیا ہے اور شہریوں نے مطالبہ کیا ہے کہ مجرموں کو قرار واقع سزا دی جائے تاکہ مستقبل میں ایسے حواست اور واقعات کی روک تھام کی جا سکے۔ حکام کا کہنا ہے کہ قانون سے بالاتر کوئی نہیں ہے اور اس گھناؤنے جرم میں ملوث افراد کو قانون کے کٹہرے میں لایا جائے گا۔