جوثف پارکر ڈوپنگ پابندی ختم، دوبارہ فائٹ کے لیے تیار

باکسنگ کی دنیا سے ایک اہم خبر سامنے آئی ہے جہاں سابق ہیوی ویٹ چیمپئن جوزف پارکر کو ڈوپنگ پابندی سے مکمل طور پر بری کر دیا گیا ہے اور وہ اب ایک بار پھر باضابطہ طور پر رنگ میں واپسی کے لیے تیار ہیں۔ جوزف پارکر کو گزشتہ سال اکتوبر کے مہینے میں اس وقت شدید مشکلات کا سامنا کرنا پڑا جب وہ ایک رضاکارانہ ڈوپنگ ٹیسٹ میں ناکام ہو گئے تھے جس کے بعد متعلقہ حکام نے ان پر پابندی عائد کر دی تھی۔ اس معطلی کے سامنے آنے کے بعد جوزف پارکر نے تمام تر الزامات کو سختی سے مسترد کر دیا تھا اور اس بات پر زور دیا تھا کہ انہوں نے کبھی بھی کسی بھی قسم کے ممنوعہ مادے کا استعمال نہیں کیا۔ ان کے قانونی مشیروں اور طبی ٹیم نے اس معاملے کی گہرائی سے جانچ پڑتال کی اور متعلقہ اداروں کے ساتھ مکمل تعاون کیا تاکہ یہ واضح ہو سکے کہ ان کے خون یا جسم میں کوئی جان بوجھ کر لیا گیا ممنوعہ مادہ شامل نہیں تھا۔ تازہ ترین رپورٹس اور طبی تحقیقات کے نتائج کے بعد اب حکام نے جوزف پارکر کو تمام الزامات سے بری کر دیا ہے اور انہیں دوبارہ فائٹ کرنے کی اجازت دے دی ہے۔ اس فیصلے کے بعد باکسنگ کے حلقوں میں خوشی کی لہر دوڑ گئی ہے اور پارکر کے حامین بھی پرجوش ہیں۔ اس کلیئرنس کے ساتھ ہی اب جوزف پارکر کے لیے مستقبل کے بڑے مقابلوں میں شرکت کی راہ ہموار ہو گئی ہے اور وہ جلد ہی اپنے اگلے بڑے ٹائٹل فائٹ کا اعلان کر سکتے ہیں۔