وفاقی حکومت کا خام معدنیات کی برآمدات ختم کرنے کا اہم قدم

وفاقی حکومت نے ملک کے صنعتی شعبے کو مضبوط بنانے اور معیشت کو مستحکم کرنے کی غرض سے ایک اہم اور فیصلہ کن قدم اٹھاتے ہوئے خام معدنیات کی برآمدات کو ختم کرنے کا فیصلہ کیا ہے۔ اس پالیسی کا بنیادی مقصد یہ ہے کہ ملک میں سے قیمتی معدنیات کو بغیر کسی ویلیو ایڈیشن کے باہر نہ بھیجا جائے بلکہ انہیں ملک کے اندر ہی صاف کیا جائے اور ان کی پراسیسنگ کی جائے۔ حکومت کی جانب سے اٹھائے جانے والے اس قدم سے نہ صرف ملکی سطح پر صنعتی انقلاب کی راہ ہموار ہوگی بلکہ بین الاقوامی سرمایہ کاروں کو بھی راغب کیا جا سکے گا جو مقامی منڈی میں مینوفیکچرنگ یونٹس لگانے میں دلچسپی رکھتے ہیں۔ ماہرین کے مطابق اس فیصلے کے دور رس نتائج برآمد ہوں گے اور پاکستان قدرتی وسائل سے بھرپور ہونے کے باوجود اب خام مال کی بجائے تیار شدہ مصنوعات برآمد کرنے کے قابل ہو سکے گا۔ حکام کا کہنا ہے کہ اس پالیسی سے ملک میں روزگار کے نئے مواقع پیدا ہوں گے اور ٹیکنالوجی کی منتقلی میں بھی مدد ملے گی۔ وفاقی حکومت اس بات پر یقین رکھتی ہے کہ خام معدنیات کی برآمدات پر پابندی سے ملکی صنعتوں کو خام مال باآسانی دستیاب ہوگا جس سے پیداواری صلاحیت میں خاطر خواہ اضافہ ہوگا۔ اس کے علاوہ حکومت اسلا‌حاتی اقدامات کے ذریعے مائننگ کے شعبے کو جدید خطوط پر استوار کرنے کے لیے بھی پرعزم ہے تاکہ بین الاقوامی معیار کے مطابق معدنیات کی تلاش اور نکاسی کا عمل یقینی بنایا جا سکے اور قومی خزانے کو زیادہ سے زیادہ فائدہ پہنچایا جا سکے۔