یوسف رضا گیلانی کی سید علمدار حسین شاہ کی والدہ کے انتقال پر تعزیت اور فاتحہ خوانی

اسلام آباد: چیئرمین سینٹ آف پاکستان سید یوسف رضا گیلانی نے نیویارک چیمبر آف سمال بزنس کارپوریشن کے صدر سید علمدار حسین شاہ کی والدہ کے انتقال پر گہرے دکھ اور صدمے کا اظہار کیا ہے۔ اس موقع پر چیئرمین سینٹ نے مرحومہ کے درجات کی بلندی کے لیے فاتحہ خوانی کی اور اللہ تعالیٰ کے حضور دعا کی کہ وہ مرحومہ کو اپنی جوار رحمت میں جگہ عطا فرمائے اور سوگوار خاندان کو یہ صدمہ برداشت کرنے کی توفیق دے۔ سید یوسف رضا گیلانی نے کہا کہ دکھ کی اس گھڑی میں ان کے جذبے سوگوار خاندان کے ساتھ ہیں۔ انہوں نے مزید کہا کہ والدین جیسی عظیم ہستی کا دنیا سے چلے جانا ایک ناقابل تلافی نقصان ہے جس کا خل کبھی پر نہیں کیا جا سکتا۔ نیویارک چیمبر آف سمال بزنس کارپوریشن کے صدر سید علمدار حسین شاہ اور ان کے خاندان کے ساتھ اس مشکل وقت میں ملک و بیرون ملک سے مختلف شخصیات کی جانب سے بھی تعزیت کا سلسلہ جاری ہے۔ اس تعزیت اور فاتحہ خوانی کے موقع پر چیئرمین سینٹ نے مرحومہ کی سماجی و فلاحی خدمات کو بھی سراہا اور کہا کہ انہوں نے ہمیشہ اخلاقی اقدار کو فروغ دینے میں اہم کردار ادا کیا۔ تمام شرکاء نے مرحومہ کی مغفرت کے لیے ہاتھ اٹھائے اور دعا کی کہ اللہ تعالیٰ لواحقین کو صبر جمیل عطا فرمائے۔