کائلی جینر نے ٹموتھی شالمٹ کے بغیر سالگرہ منائی

امریکہ کی معروف کاروباری شخصیت اور ریئلٹی ٹی وی اسٹار کائلی جینر نے حال ہی میں اپنی زندگی کا ایک اور سال مکمل ہونے پر شاندار انداز میں سالگرہ منائی تاہم اس بار بھی ان کے اس خاص دن پر ہالی ووڈ اداکار ٹموتھی شالمٹ کی عدم موجودگی نے سب کی توجہ مبذول کر لی۔ ذرائع کے مطابق کائلی جینر نے اپنے قریبی دوستوں اور خاندان کے افراد کے ہمراہ اس دن کو منایا لیکن ان کے اور ٹموتھی کے درمیان بڑھتی ہوئی دوریوں کے چرچے ایک بار پھر عروج پر پہنچ گئے ہیں۔ یاد رہے کہ اس سے قبل بھی کئی اہم مواقع پر دونوں کو ایک ساتھ نہیں دیکھا گیا تھا جس کی وجہ سے مداحوں میں مختلف قسم کی قیاس آرائیاں کی جا رہی ہیں۔ اگرچہ دونوں کی جانب سے تاحال اپنے تعلقات کے بارے میں کوئی باضابطہ حتمی بیان سامنے نہیں آیا ہے لیکن ذرائع کا کہنا ہے کہ دونوں اپنے اپنے کام اور مصروفیات کی وجہ سے ایک دوسرے کو زیادہ وقت نہیں دے پا رہے ہیں۔ کائلی جینر اپنے کاسمیٹک برانڈ اور خمصوضی پروجیکٹس میں مصروف ہیں جبکہ ٹموتھی شالمٹ بھی اپنی آنے والی فلموں کی شوٹنگ میں جُتے ہوئے ہیں۔ اس مصروف ترین شیڈول کے باوجود مداحوں کی جانب سے امید ظاہر کی جا رہی ہے کہ دونوں جلد ہی اپنے تعلقات کے حوالے سے صورتحال واضح کریں گے اور آئندہ آنے والے دنوں میں کسی تقریب میں ایک ساتھ دکھائی دیں گے۔