پنجگور آپریشن: فتنتہ الہندستان کے 5 دہشت گرد ہلاک

بلوچستان کے ضلع پنجگور میں سکیورٹی فورسز نے ایک اہم اور کامیاب انٹیلی جنس بیسڈ آپریشن کے دوران فتنتہ الہندستان سے تعلق رکھنے والے پانچ دہشت گردوں کو ہلاک کر دیا۔ یہ کارروائی علاقے میں تخریب کاری کے ایک بڑے منصوبے کو ناکام بنانے کے لیے کی گئی، جہاں دہشت گرد سیکورٹی فورسز اور عام شہریوں کو نشانہ بنانے کی تاک میں تھے۔ آپریشن کے دوران سکیورٹی فورسز اور دہشت گردوں کے درمیان فائرنگ کا شدید تبادلہ ہوا، جس میں سکیورٹی اہلکاروں نے پیشہ ورانہ مہارت کا مظاہرہ کرتے ہوئے دشمن کے تمام عزائم خاک میں ملا دیے۔ ہلاک ہونے والے دہشت گرد سکیورٹی اداروں کو متعدد سنگین وارداتوں میں مطلوب تھے اور ان کی موجودگی کا سراغ لگنے کے بعد فورسز نے فوری طور پر علاقے کو گھیرے میں لے لیا۔ فائرنگ کے اس تبادلے کے بعد علاقے میں سرچ آپریشن بھی شروع کر دیا گیا تاکہ کسی بھی ممکنہ چھپے ہوئے دہشت گرد کو گرفتار کیا جا سکے یا اس کے نیٹ ورک کو مکمل طور پر ختم کیا جا سکے۔ کارروائی کے دوران دہشت گردوں کے استعمال میں آنے والے اسلحے، گولہ بارود اور مواصلاتی آلات کا ذخیرہ بھی سکیورٹی فورسز نے اپنی تحویل میں لے لیا ہے۔ حکومت اور عسکری قیادت کا عزم ہے کہ ملک سے دہشت گردی کے ناسور کو جڑ سے اکھاڑ پھینکا جائے گا۔ اس کامیاب کارروائی پر مقامی عوام نے بھی سکیورٹی فورسز کو خراج تحسین پیش کیا ہے اور امن و امان کی بحالی کے لیے جاری ان کوششوں کو سراہا ہے جو ملک دشمن عناصر کے خلاف مسلسل جاری ہیں۔